Ja... die Schlagziile isch letzt woche uf de titelsiite vom daily telegraph gsii.. sgoht do debi aber nid um mich, sondern um e australischi politikerin wo egend en seich gmacht hed und sit det di ganz ziit ide news isch..
Ich ben aber schier hindusegheit wonis gseh han.. was foer en zuefall, ez wos zmli zuegig uf min abschied zuegoht...

no schnell mini heicho date:

Ich fluege am 5.juli am 4ii do in Sydney ab und chume am 6.juli in zueri am morge am 5 ab 10ni ah.. wer gern zum flughafe wett cho, isch herzlich iiglade, freu mi mega uf eu!!
Sfallt mer mega schwer zum goh.. werd australie und mini aussies so vermisse.. ich denk lieber gar ned drueber noch.. froi mi aber unglaublich eu weder zgseh und endli weder face-to-face mit eu zrede=)
Bis denn hani aber no uuh vell ztue.. aso nid ungeduldig werde wenner noem vell ghoeret..muess no x sache go poschte.. allne leuts tschau sege.. und na tuusig anderi sache erledige..Alsooo... biis bald...froi mi eu weder zgseh.. machets na guet!

Catch ya

hoet bini grad vo Cairns heicho, en echt schoene ferie ort im norde vo queensland.. mir sind zwar in port douglas gsi, das isch oeppe en stund wiiter noerdlich as cairns... dete isch s great barrier reef.. wuunderschoen.. mir sind det go schnorchle.. es einmahligs erlebnis.. mer hend so vell schoeni koralle und fischlis gseh, i allne farbe, und swasser so klar wienis no nie gseh han und schoen agnehmi 24 grad..
mer hend sogar de nemo gesh i sinere see anemone;)
ben nanie so wiit im meer usegsi, me hed echt ussert wasser niz meh anderes gseh...
mir hend denne na en regewald tour gmacht nach kuranda, emne chline touriste doerfli, und sind mitme gondelbaehndli ueber de regewald hinweggschwebbt.. sch au voll schoen gsi, de regewald ishc halt ganz anders as suscht all de bush wos do hend mit dene trockene eukalyptusbaeum..
denne simmer mit somne alte zug zrugg uf cairns gfahre.. shcoen gmuetlich mit vielne sehenswuerdigkeite wie d barroon falls (wasserfaell) ufem weg..
denne hemmer na cairns en bsuech abgstatted, womer nienet darf go schwuemme wells vo krokodil nur so wimmlet det.. hehe mir hends au ned usprobiert und sind lieber dur cairns nightmarkets spaziert..
nord queensland ishc voll schoen, sochli touristisch und chli vershclofe abeer uh schoen.. hedmer mega gfalle..
leider hani dbilder nanig uf de compi gschmisse drum gits leider kei foeteli vo cairns.. :( chas jo euch ja zeige wenni weder diheim bin ;)

Letzt wocheend simmer weder mol en south west rocks gfahre mitem mark und mim Vater zum im mark sini elter go zbsueche.. mer hend traumhafts wetter gha, emmer so um di 25, 26 grad celsius und dsunne schiint und sisch richtig summerlich gsi.. und ned vergesse mer hend ja winter... hehe
Letzt woche simmer am zistig weder mal go ‚the three sisters’ go aluege, die felsekombination ide blue mountains, und denne simmer uf bathurst gfahre, det wos groeschte autorenne vo australie jedes johr stattfindet... det bini ja mitem mark undem peter im oktober hi. Damal isch natuerli keis autorenne gsi aber drennstrecki isch natuerli emmer no det und me doerf durfumefahre, wie ufere ganz normale oefentliche stross... nur met recht vell kurvene=) und da ich ja mini’Australian Learnes Permit’ han zum autofahre, hanis mer natuelri ned loh neh und bin drumumekesslet.. hed extrem spass gmacht, isch ned ganz eifach gsi, esch ja eine vode schwerigste rennstreckene ide welt, aber es hed sich uf jede fall glohnt.. isch aber schwer zum vorstelle wie die type choend mit 200 um degge flitze..


bide three sisters.. ishc bezli neblig gsii..;)


ich am umefahre ufem bathurst race track;)

Am sunntig simmer nach kiama gange, das isch zemli im suede vode ostkueste.. es isch en mega stuermische tag gsi und smeer isch mega wild gsi und drum hed au dhauptattraktion vo kiama, es sogenannts ‚blow hole’ imne felse ade kueschte funktioniert.. wenns meer chli wild isch peitschts wasser dur en oeffnig unterem wasser und es chund am andere endi id luft gschosse wie en fontaene.. isch scho recht cool gsi, hehe aber mini aussie family hed mega chalt gha, jaja die sind sich halt sturm und nass ned gwoehnt im gegesatz zu eus lol..


in kiama bim blow hole.. isch uuh stuermisch gsii...


s blow hole...

Am Mittwoch simmer denne uf sydney und hend mim vater en schnellkurs in sydney sightseeing geh.. mer hend in parramatta gstartet und sind mit de faehri uf sydney gfahre und hend det alles moeglichi aglueget.. s hedem uh guet gfalle und swetter isch au zur abwechslig mal mega schoen gsi (sydney isch momentan chli grau und regnerisch) jo.. hed alles passt.
Und denne simmer am donstig ebe do ufecho, und ufem weg simmer no im billabong koala park verbigange, wos 3 koalas gha hed wo jungi gha hend.. jooooeee so suess.. und dkangaroos sind uuh cool gsi, voll zu eim anecho, mer hed si choene streichle, und sie hend sich au lah fuettere well normalerwiis sinds scho recht satt wells am wocheend oder ide summerferie meh tourischte hed wosi goend go fuettere. Han na mitme dingo choene spille und dkoalas hemmer choene streichle und ja.. isch suuper gsi... ich liebe de tierpark, ned so oeberfoellt wie di meiste andere und isch mega schoen det.
Am naechste tag simmer in south west rocks umegloffe, an smokey beach gange und weder mol ufem Smokey Cape Lighthouse go die wunderschoen uusicht gnuesse... und was gseht mer do wiit im meer use... WALE!! Isch absolut hammer gsi, han no nie en wal ide wildniss gseh und sisch eifach uuh shcoen gsi.. leider sends biz wiit eweg gsi.. denne simmer na go kangaroos go aluege wo do all wild sind un eifach so ede paerks und gaerte umegumped.. isch herrlich gsii..
denn simmer am naechste morge go en chlini wanderig mache ade kueste entland uf sonere huegelkuppe und ich segs eus duusicht vo det isch eifach genial, chasch der ned vorstelle, smeer uf beidne siite, tuuuefblau, keis woelkli am himmel, kangaroos im bush und all meogliche exotische voegel wo umeflueget.. traumhaft.. und was hemmer weder gseh im meer... genau, dwale, die paared sich ez naemli do und goend denn dkueste entlag ufe in norde vo queensland wos denn di junge bechoemed.. aber damal hemmer sie vell noecher gseh, und die sind ja so was vo spielerisch gsi, send di ganz ziit usem wasser fumped und hend sich uf de ruggegworfe oder hend dflosse uf dwasseroberflaechi ghaue.. eifach traumhaft schoen gsi zum denne zueluege.. hend sogar no es paar foeteli verwuetscht.. und denne simmer wiitergloffe und sind anen strand cho wo little bay heisst und dete heds kangaroos gha und ich ben am strand gstande und han ufs meer usegluegt und ploetlich en rueggeflosse gseh usem wasser raage.. ben so verschrocke, han gmeint es seig en hai gsi und em mark grueft und er hed zersch au gmeint es seg en hai, aber denne hemmer gseh dasses delfine gsi sind wo ide welle umegumped sind.. so schoen!! Iz hani denn echt alles gha.. isch mega iidruecklich gsi..


haha.. aussie, aussie, aussie.. oi! oi! oi!


im billabong park..

ja min vater isch mich ja jez cho bsueche und grad am naechste tag simmer zum ayers rock gfloge..Vom ayers rock undem outback gits so vell zverzelle.. ich fang gar ned erst a;)


sisch wunderschoen det, s outback total faszinierend und eifach genau so wie ich mer australie urspruenglich vorgstellt han: roti erde so wiit saug reicht.. unglaublichi distanze sind det usse.. mer sind go de ayers rock, wo do uluru heisst, und di andere berge, the olgas (kata tjuta) go aluege.. mega beiidruckend, und es hed igendwas magisches.. chas gar ned beschriebe.. mer hend de sunneuntergang glueget det und mir sind au na zum kings canyon gfarhe wo grad um de egge isch, aso jo, 300 km noroestlich.. isch echt wert gsi zum so lang det anefahre..



dstrasse sind eifach foer stunde nur grad, und ich mein schnurrgerade, und sland so flach, me gseht bis an horzont... voellig andersch as ide schwiiz womer a zig staedli verbii chunt und immer en berg im hintergrund hed.. obwohl das natuerli au schoen isch..;)



Temperature sind sehr agnehm so um di 25 bis 17 grad am tag und so um di 15-20 grad znacht.. sehr summerlich also, foer dasses do eigentlich voll winter isch;)




The Olgas




mer hend no en wilde dingo gseh...


en wichtige hinweis;)


de ayers rock us de luft...


im flugzueg...

Am 5.juni beni mit minere gastfamily uf Melbourne gange.. am 9juni isch ebe queen’s birthday (au wenn dqueen eigentli gar ned geborri hed em juni, de mark seit es isch eifach im juni well d aussie en tag frei wennd ide mitti vom johr hehe.. melbourne isch oeppe 910km vo sydney in victoria. Es isch serste mol gsi woni woerkli uf NSW use bin (well canberra isch ja eigentli en staat innerhalb vo NSW). Sisch en mega langi fahrt gsi bis uf melbourne, verallem wemmer denkt dasses nur foer es wocheend gsi isch. Im ganze simmer meh as 21 stunde im auto gsii..



Mer sind zersch uf deniliquin gfahre, ide noechi vode grenze und hend imne caravanpark oebernachtet. Am noechste tag simmer uf albury wo grad am murry river isch das isch de grenzfluss zw. NSW und victoria. Dete simmer uf es alts dampfboot gange und de peter und ich hend sogar doerfe de fluss derab stuere.


Denne simmer uf melbourne inen andere caravan park womer foer de rescht vom weekend blibe sind. Mer hend minere gast familie ihri kollge bsuecht wo en hund hend wo blind isch, joe so herzig er isch di ganz ziit i sache iegloffe wo am bode gstande sind, aber er hed sich ned wehgmacht, er isch ganz vorsichtig und torklet amel nur bizli, aber er kennt sich recht guet us im huus, well er shco ganz lang det ishc und au scho det gwohnt hed woner no gseh hed.. er hed mega froid a luet und chund immer zu eim ane wemmer em rueft
De sunntig hemmer in Melbourne, aso ide stadt, verbracht.. mir sind uf st.kilda und anen maert, sind am pier entlang gloffe und mit allne tram gfahre wos git =)
Und jetzt na werom ich gschribbe han Melbourne/Mexico im titel: dluet vo NSW nennet dvictorians ‚mexicans’ well sie suedlich vode grenze lebet und anschienend au so suedliches temprament hend=)
Melbourne hedmer mega gfalle isch en super statt, ned ganz so shcoen wie Sydney, aber egendwie mega herzig.. und es hed hammer laede, voll das shopping paradis..


In Victoria gilt de slogan: ‚Victoria is the only place where you have to go left to turn right’ hae? Ja scho verwirrend aber d erklaerig ganz eifach: die hend do so en spezielli strasse regle wo heisst ‚hook turn’. Und das bedueted das ufere chruetzig wos autos und tram hed, muend dautos de tram vortritt loh, und wenns wennd rechts abbuege muends luege dass de tram wo gradusfahred nid in weg choemed. Und drum gits de hook turn: dautos wo rechts wennd muend idi likni fahrbahn go und denne links am rand vode chruetzig ahalte und warte bises rot isch und denne ganz gschwind (bevor die andere autos vode siite gruen hend) rechts abbuege.. es isch en mega verstoerti regle und eigentli au voll gfoehrlich wells voll die unfaell chan geh wennd zlangsam bisch zum rechts abbuege do no es bildli vom strosseschild damit ihrs euch au bezli bildlich choend vorstelle:

Jojo.. das isch min trip zu victoria gsii...

mer hend vode schuel us so en sporttag gha.. isch na witzig gsi, meh hend speerwurf, chugelestosse, renne, diskuswerfe, wiit- und hochsprung gmacht.. me hed ned moesse mitmache wemmer ned hed welle aber mer hends all voll super gha wo gange sind.. daa na es paar foetelii...


Rawan, me and hero


all the girls


Rashveen, me and Dragana


Hero and me

Endlich hemmer eusi year 12 jerseys becho.. alli year 12 schueler choend en jersey bstelle.. mit em name und em johr drufe.. es speziells privileg foer year 12 seniors..mir moend kei normali schuel uniform meh alegge =)


year 12 girls


Hero and me

The new parliament house


Me on top of parliament house


The biggest flag pole in the world..


The Australian War Memorial


beautiful view of parliament house


The names of the fallen Australian soldiers are engraved on the wall.. people stick poppy flowers up to remember them...


The tomb of the unknown soldier... he was the only Australian soldier brought back from World War One..


The eternal flame.. to remember the fallen

mark is running for the liverpool independence political party..elections are on this year..

Nadine, Dragana, Rashveen, Jillian, Me, Rabbia

GO NSW... GO THE BLUES!!

rhyss, me, daniel, andrew, sarah

the team of the InsideOut magazine...

me and bek in front of the capitol theatre


cute little boy, one of the actors.. did a great job.. his name is joel =)

hey.. isch scho weder es wiili her siit ehr was ghoert hend vo mir.. aber han viiiil zverzelle..

am samschtig hemmer in glenfield en hochziit gha..scouting kollege vo de family hend ghuerote.. han denkt.. ja.. das werd sicher chli langwielig aber jo.. aber ehrlich gseit isch extrem loschtig gsi.. es isch dusse im glenfield scout camp gsii.. und mer sind natuerlich spot cho.. hmm.. rated mol werom.. richtig! de mark und joanne hend na moesse go alk poschte.. hehe.. dhochzit zeremonie isch vom bruetigam sim vater duregfuehrt worde.. es sind oeppe 150 luet det gsii.. alles family und engi fruende lol sind halt 2 riise families.. am afang vom obig hani ussert de georges oeppe 10 luet kennt.. und am endi vom abig hani all kennt :) niemert hed gmerkt dassi ned vo australie chume.. niemert hed mit akzent bemerkt... ben voll stolz werde langsam richtig aussie:)
es isch so typisch aussie gsii.. es hed meh ztrinke geh denn esse :) ich weiss ned wieviel die gsoffe hend.. ich ben fang am halbi 4i go schlofe.. di meiste hend det gschlofe.. di ganz hochziit isch es riise chaos gsi aber ebe... mega loschtig!
de mark hed zwar de ganz obig behaupted er sig immer na nuechtern (nachme ganze karton bier) und eine hed sini bruelle egendwo verlore ufem weg is bett (me hend si am noechste tag imne gebuesch uf de andere siite vom camp gfunde.. kei ahnig was er det aehne gmacht hed..) und am noechste morge hend all echli blass und verschlofe usgseh.. aber suscht isches woerklich extrem loschtig gsi..


maid of honour, steven, sharon and the best man


di "engschte" verwandte

Am fritig isch in Australie de National fiirtig ANZAC day gsi... ANZAC stoht fuer Australian New Zealand Army Corps...es isch en fiirtig in erinnerig adi gfallne australische Soldate im chrieg.. di ganz nation isch mega stolz uf ehri soldate wo all freiwillig in chrieg ziehnd.. es isch chli schwerig zum erklaere, me muesses eifach erlebt ha.. well die wo vom chrieg zrugg cho sind werdet a dem tag gfiired wie helde... ich mein sinds jo au.. aber wichtig isch das daussies de chrieg nid verherrliched, aber in erinnerig a di gfallne und zruggkehrte stoppt di ganz nation foer en tag... am morge am 4i simmer in liverpool anen sogenannte dawn service..mir sind dor stadt gloffe mit de scout flagge und mit es paar chrieg veterane.. es isch mega sbunderigi stimmig gsi.. di australischi flsgge isch uf halber hoechi ghisst gsi und de ganz park bim war memorial isch voller mensche gsi.. en chor hed gsunge und alles luet vode stadt und vode armee sind dete gsi.. ich und 2 anderi scouts hend d'ehri gha en bluemechranz vor 2 chruez anezlegge zum di gfallne soldate zehre... eine vom chor hed mitme horn 'the last post' gspillt (das wird au am 'rememberance day' im november gspillt) und sisch egendwie mega beruehrend gsii..
nachdem domservice simer go zmorge esse im comunity centre.. meatpies, sausage rolls und coke.. was foer es zmorge..
nachher simmer id stadt.. in sydney hends jedes johr en marsch wo dchriegsveterane und di aghoerige doerfed marschiere.. all strasse werded lahmgleit dluet marschiered uf de hauptstrasse und uf de siite stoehnd dmensche und ruefed ne zueh und fuered sii ah..ich ben gfroegt worde zum mit de vietnam chrieg veterane zmarschiere und en flagge zhebe foer sii.. zeme met de sarah hani mi also met dene troffe... sisch mega speziel gsi die ztreffe.. sind mega nett und fruentlich und hend eifach egendwie en spezielli ustrahlig.. wohrshcindli vo dem her wos erlebt hend.. und sie redet au drueber was erlebt hend, redet mit aghoereige vo gfallne soldate und verzelledne wies gsi isch.. ganz vell vo denne sind alt so 80gi wo no vom 2.welrchrieg und so gsi sind.. und au die marschiered.. di ganz stadt isch voller uniformierte armee luet, vo allne verschidnige abteilige.. es hed mega vell navy luet gha, sailors und so..
smarschiere selber ishc absolut oeberweltigend gsii... ich hetts nie denkt dasses so werd.. aber wemmer do dur die strasse schriited mit 200'000 luet wo eimm zuelueget und eim afueret und alles fernseh kameras wo uf eim grichted sind.. ishc eifach absolut wahnsinn.. dsarah und ich sind egendwie ene mega seltsami stimmig cho well es isch eifach unbeschrieblich..
nachem marsch simmer denn met de vietnam luet go zmittag esse.. sishc mega interessant gsi met denne zrede und ine zuezlose.. mir sind go vietnamesisch esse :) isch na voll fein gsi aber s esse ishc eh ned so wechtig gsii..
joo.. werd de tag sicher nie vergesse.. isch unbeschrieblich gsii.. han mi voll teil vode nation gfuehlt egendwie..


vorem dawn service in liverpool


dsarah und ich vorem marschiere


mite flagge


mer und d vietnam chrieg veterane

Lorraine and me


Graeme and me

Me, Lauren and Rashveen

d Jo-ellen hed en award foers scouting becho.. de queen scout award.. und de governor vo NSW hed de praesentiert as stellvertretig vode queen.. sind oeppe 10 anderi det gsi wonen becho hend.. han vell luet kennt vom scouting.. ben de governor vorgstellt worde.. sie isch mega nett und fruendlich und mega eifach zum mitere rede.. aber ebe sie ischmega hoech, grad nach de queen und em prime minister.. me darf sie nid alange ussert wenn sie eim zerscht beruehrt :)
sie chan fliessend duetsch wells ie mal det glebt hed.. aber sie hed meistens englisch gredet mit mir :)

d rachel isch im mark sini nichte.. sie isch 8ti und sooo herzig:)

Bin mit es paarne scouting luet und minere family is Kangaroo valley go campe.. han es paar luet vo dragon skin weder gseh, ishc mega cool gsii met denne..Kangaroo Valley isch ide Southern Highlands..swird recht chalt det znacht.. und extrem neblig am morge... isch aber wunderschoen.. gseht chli us wie ide schwiiz...mega gruen und s hed en fluss und huegel..hami so richtig dihiem gfuehlt :) und es heisst ned so wells bsunders viill kangaroos det hed.. aber es isch bekannt foer di wilde wombats wos det nur os wimmlet devo.. die choemed foere wenns dunkel werd und sind eigentlich harmlos.. aber wie so chlini bulldozers.. die rennet alles um und sind so voll stark und buddlet riise loecher oeberall.. sisch voll cools weekend gsii.. am samstig obe hemmer en baby wombat gseh wo sich glaubs chli verlaufe hed oder ide ziit girrt hed.. sisch nemli recht hell gsi.. und es hed ihn ueberhaupt ned gstoert dassmer so noech ane cho sind, er hed eifach wiitergfresse in einere seelerueh.. haha denne hend de peter und ich ehn sogar na gstreichlet.. und han denkt de bisst mich eh.. aber er hed sich nid mal umdreiht.. und das ishc extrem selte dassmer di wilde so noech chan gseh, geschweige denn alaenge..
usserdem hemmer kangaroos, kookaburras und suscht na alles einhiemischi tier gseh.. jaja..
und znacht, de sternehimmel ishc eifach abartig shcoen gsii.. han dsterne no nie so klar gseh und so noech.. und de himmel isch eifach endlos wiit... han dmilchstrass gseh und uuh vell sternschnuppe.. mir sind uuh lang wachbliibe und hend eifach in himmel gluegt.. aber sisch extrem chalt worde denn (foer australischi verhaeltnis)..


carl the wombat

haha ben go schlitschueh laufe do.. und all hend natuerli erwarted dassi suuper ben shcliesslich chumi ja vode schwiiz und det isches ja chalt.. jaja.. isch herrlich loschtig gsi hami chum me choene uf de schlittshcueh bhalte, esch ja shco ewig her siti sletschte mal gsi ben.. naja wenigstens hend di andere oeppis zum lache gha..

am 29. maerz bini ade Royal Easter Show gsi.. es isch en show, oder besser gseit es fescht mit allem drum und dra.. luna park, essens staend und all verein, organisatione etc hend en uustellig.. dshow isch im Olympic park und isch riisig. jede abig gits fuerwerk und dshow goht foer fast 2 woche.
di australische dairy farmers hend en riise chueh ustsellig gha.. unter anderem hedmer au choene go chueh melke und so hehe und denne hemmer au na schwiizer chueh gfunde wo usgstellt gsi sind, und de mark hed dluet det gfragt oeb die schwiizer shcoggi mached mit de chuehmilk und dfrau hed afange lache und gseit, dass er shco oeppe de 10. isch wo das gfraget hed hoet hihi und ja sie mached schwiizer schoggi demit.
was ganz luschtigs hends au na gha und zwar di australischi meisterschaft im holzhacke.. haha das isch seeehr interessant gsi, es bizli seltsam went mich fragsch aber jo...



the "swiss brown"


sfuerwerk am abig..

heya everyone

some pictures of what ive been up to because ive been very lazy lately puting up stuff on my page :)

enjoy :)

Sarah and I with extremly creative hats (Easter bunnies hihi.. we got bonus points for wearing them.. hehe)



my vennies.. Bek, Sarah, Katherine, Bel and Liam.. (i dont know the guy on the left lol) we had such a good time!!



our team, the Swauzzies (Swiss+Auzzies lol) Bel, Kathrine, Sarah, Bek, Amelia and I... we scored 742 points.. and got 26th out of 147 teams.. I'm so proud of us, we did so well!!

my aussie scouting mates (Bek, Bel, Sarah)

\

our Venturer unit.. i love those people..

bek and me at the movies



rebekah, belinda and me at rebekahs house

kay, me, bob (host grandparents/ mark's parents)



skippy and joey



itchy? hihi

glory, glory to south sydney....

Go the bunnies!!! lol

sarah, me, bek... hends soooo loschtig gha..



yep han en 7kg / 2.5 m langi python schlange ghebt...

heeey

ich bin grad fertig worde met iipacke, well morn gohts jo denn los id Belanglo State forests womer euses riise scout camp hend, wo Dragon Skin heisst.. es werdet oeppe 700 jugentlichi det sii und sicher uuh cool werde..

drum wuenschi eu allne ez scho gaanz schoeni oschtere met vell feine schoggi oschterhaase!!

abem zischtig ben weder dihiem, und denne gits sicher viiill news zum verzelle...
suscht, mir gohts super, ben aber mega mued, und werde sicher na vell mueder sii am endi vo dene 4 taeg.. hehe
also.. hoffe eu gohts guet..

lueget uf eu und HAPPY EASTER!

s' easter bunny

jaja... iz beni tatsaechlich na beruehmt in australie.. zumindest in liverpool und fairfield.... lol

heyho
ben weder mal in liverpool im internet cafe.. isch langsam echt bez muehsam mit dem internet.. han kei ahnig wennmers internet zrugbechoemed (hehe das toent luschtig) aber ja.. chan nid vill dra aendere.. danke vill mal fuer eui mails und alles und sorry wenni halt nid schnell antworte..
hoet hani en tag frei gnoh vode schuel hehe di woche werd eh mega churz nur drue taeg shcuel und denne es langsweekend lol
aber vo vorn.. am samstig simmer eeeeendliii weder anes fooball game.. Australian Rugby league fangt i 2 woche offieziell weder ah.. hammmer.. am samstig isch eifach so es trial game gsi, heisst es isch es vor-sesain game gsi.. south sydney hed gege st.george illawarra gspillt... isch es mega cools spiel gsi, mega spannend bis am schluss... es hed oeppe 27000 luet im stadium gha, es isch im sydney olympic stadium gsii.. mir sind ide south sydney fan kurve ghocket hehe hammer gsi han sogar min neue south sydney jersey agha hehe.. jaaa und mir hend natuerli gwonne :)
ufem weg hei isches na voll witzig gsi, well mer sind ebe mit st.george supporters im zug gsesse und die hend agfange striite uebers spiel und de mark hed natuerli ned choene still si und hed au na egenden kommentar muesse dezue saege.. jaa denne hends eus au na agfaucht und denne hends igendwas zu mir gseit und ich so: loend mich eifach da dusse (ich ben ebe zwueschem mark und emne st.george supporter gsesse) und de mark hed gseit ja loend si dusse das isch erscht ihres 2.spiel und si isch sowiso vode schwiiz... und denne ische serscht losgange... was du bishc vode schwiiz? und du hesch en south sydney jersey a?? und du bisch echt football fan? ... ja und nach oeppe 30 sec hed sganze abteil gwoesst dassi ode schwiiz ben und niemert heds choenne glaube dassi scho en jersey ahan nachem 2.spiel und all hend sache gfroegt ueber dschwiiz und ja weg dere ganze fragerei hends voellig vergesse wiiter uebers spiel zstriiite.. haha isch echt luschtig gsii.. und woni usgstiige bin hend es paar luet dusse gwartet und eine hedmer welle dhandschuettle welle so "stolz durf isch en schwiizerin ztreffe wo football fan isch.." hehe jaja isch zemli amusant wasmer do so erlebt...
am naechste tag (gester) isch Clean Up Australia Day gsi... das isch en Nationaltag wo ganz vell luet und gruppene Ufrumaktivitaete organisieret.. es isch jedes johr und das johr isch im ganze oeppe 3000 tonne abfall gsammlet worde..
mir sind mit de scout gruppe go di ganz umgebig um dscouthalle ume go ufruume.. hed oeppe 4 stund brucht und mir hend meh as 1.5 tonne abfall zaemebrocht.. und mir sind nur 7 luet gsi.. usserdem hemmer 3 iichaufswaegeli useme bach zoge und 3 uusbrennti autos im bush gfunde.. isch echt interessant gsi wasmer det alles findet.. jaa denne isch eini vo de stadt liverpool abecho zum frage wies eus so goht und oebmer vorachoemed.. und de mark hed weder ned choenne still si und hed moesse erwaehne dass sogar en schwiizerin hilf zum australie uufzruume.. jaja.. si isch ganz begeisteret gsi und hed gseit mir muessed das umbedingt id ziitig tue.. und si hed sofort agfragt bi 2 ziitige und hed gseit mir selled es paar foeteli mache und hoet sofort verbii go und si werdets id ziitig tue..
jaja ich han denn also moesse voreme riise abfallberg histoh mit me abfallsack ide hand und haentsche und me clean up australia day shirt a.. super foti natuerlich lol... und hoet hani ebe moesse en tag frei neh und uf liverpool zu denne 2 ziitige go go dfoeteli go verbiibringe und es paar frage zu mim uustuschjohr und so beantworte... jaja ben ja mal gspannt wie das usechund.. wenni werklich id ziitig chume denne werdi das natuelrich uf die siite stelle :)
ah und gester beni weder autogfahre.. hehe em mark sin kolleg hed so en laschtwage aehnlichs auto (si nennets en truck) und ich ben mit dem (und de 3 iichaufswaegeli obe druffe plus me chline ahaenger mitme rasemaeher(so eine zum drufsiitze) obedruff) um dscouthall umegfahre:) hed recht freud gmacht wiener euch choend vorstelle.. han vor gli mini theorie pruefig zmache, aber leider chani ned uebe im internet lol
jojo.. und ah am fritig goemer am mjorge frueh weder uf south west rocks juhuuu voll cool... mir blibet bis am mentig isch das nid suuper.. drum hani ebe nur 3 taeg schuel die woche..
ja das waers foer de moment ich hoffe me ghoert sich gli weder...
adios amigos